Kohima nung ‘village & ward adoption’ atema senden amen

Dimapur, April 11 (TYO): April 11, 2017 nü DPDB hall Kohima nung District Core Convener aser village & ward adoption züngsemtemi Village aser Ward Council Chairmen & Secretaries den senden ka amen.
Senden nung Village & Ward Adoption, Member & ADC Planning, Ketoho Luho-i village aser ward adoption committee ji yimtsüng jenjang nung alirtem ajungkettsü atema tentetba lir ta metetdaktsü.
Village adoption committee-i tongtipang teinyaktsütemji yimdaklirtem rongsenkettsüng, shisaliok, lokti aser temang anema alibaren indang nüngdaktem ajitettsü aser yariteptsü atema lir, ta Ketoho Luho-isa ashi.
DPDB committee temi Kohima district kübok Assembly constituency 6 nungi yimtsüng pungu aser Ward ka shimtetogo. 2017 nungi 2018 atema shimtetba yimtsüng aser ward ji Kiruphema Bawe village, Chede Basa village, Zhadima village, Mima village, Sakhaba village aser D.Block ward Kohima lir, ta paisa metetdaktsü.
Senden nung Convener & ADC Hq, Lithrongla Tongpi-ia iba maparen takok ngua inyaktsü atema tesentepertem ayongzük.