28 Assam Rifles-i sen lakh 3 jenjang yi apu

Dimapur, April 11 (TYO): April 8, 2017 nü Foot Hill Road Junction nung 28 Assam Rifles-i Indian Made Foreign Liquor (IMLF) aika Nagaland-i bener aruba mapang apu.
Wokha district kübok Humtose yimtsüng nung alir, arishi küm 24 tain, Mrs Nriea Humtose aser Ryphim yimtsüng nung alir, arishi küm 35 tain, Mr Yarenthung Ngulie-na indang yiji Bolero gari ka nung miima bena aliba ngutet.
Iba gari nungi sen lakh 3 jenjang McDowell Rum bottle 1078 aser Officer’s Choice Whisky bottle 335 ngutet.
Yi abenertemji Bhandari Police Station ket nung agütsüogo aser parnok tenüng nung kasa police station nung ken o benokogo, ta Assam Rifles sangdong ka nung metetdaktsü.