Solomon’s Temple: Mizoram nung tenlaki tulutiba

Aizawl, April 12 (Agencies): Mizoram nung West Aizawl kübok Chawlhmun kiyong nung Solomon’s Temple yanglur. Iba tenlaki ya Mizoram nung tenlaki tulutiba lir saka ano meyangluzük lir.
Tenlaki ano meyangluzükaka Mizoram nung iba ya raliwalirtemi kanga sapua semdangba tesem ka kümogo.
Iba tenlaki yanglutsü indang lungji December 23, 1996 nü azünga ayu aser küm 20 jungnüa nungang yangluzüker. Iba tenlaki ya US$ 3 million shi endoka yanglur aser senji tenla agütsüba nung sarutetba lir.
Tenlakiji white marble agi dang yanglu aser Mizoram nung Kohhran Thianghlim (The Holy Church) ajanga ketdangsüa repranger.
Kohhran Thianghlim ya non-denominational Christian telok ka lir aser 1984 küm Dr Lalbiakmawia Sailo-i iba arogo tenzük.
Solomon’s Temple kimung nung park ka lir aser iba nung süngjanglijangdong aser shirurutem lir.