Microsoft indang Windows Vista mamshitsü

New York, April 12 (Agencies): Microsoft indang ‘operating system’, Windows Vista ya küm 10 tashi amshia aruogo aser iba ya joko mamshitsü.
Osang ajanga ashiba agi, Windows Vista amshirtem ya Windows tasenbai melentsü.
“Windows Vista indang code nüngja ya Longhorn lir, aser iba operating system ya file tasen aser amshirtem aser system tsüngta tangatettep tajung alitsü nükjidong nung yanglu. Saka Microsoft indang Longhorn ya azüoka meyutettsüsa aküm aser ibayongji iba sentong ya yanglushitsüsa aküm,” ta osang ajanga ashi.
Vista indang operating system ya taruba küm September tashi amshitettsü, ta Firefox ajanga totuyuba agütsü saka iba system ya taoba küm raksadok aser 2017 küm tom tashi nungbo iba operating system den Gmail-a mapa meinyaktsü, ta Google ajanga metetdaktsü.
Game asayaba Blizzard-ia Vista mamshitsü asoshi sangdonga liasü.