Nagaland sorkari Digital Payment sentong magitsü

Dimapur, April 12 (TYO): India sorkari April 14, 2017 nü Digital Payment ajungkettsü atema Mega Draw aser Digi Dhan mela ka ayongzüker. Iba dak sendakba nung April 7, 2017 Centre sorkari State sorkar nung tongti ketdangsertem den video conference ka ajanga senden amen, ta Chief Secretary, Pankaj Kumar-i sangdong ka nung metetdaktsü.
Digital Payment dak sendakba sentongji linük kübok yimti 100 nung alitsü ta Centre-i metetdaktsüogo aser yimtitem rongnung Nagaland nungibo ka danga mali, ta paisa ashi.
Anungji, Nagaland sorkari April 14, 2017 nü Digital Payment ajungketba dak sendakba sentong kecha mamungtsü aser iba anogo ya public holiday (Good Friday) lir. Iba osang ya sorkar mapa inyaker ajak aser public dang metetdaktsür, ta Chief Secretary-i sangdong nungsa shia lir.