Dr. Ambedkar asoba anogomung nung PM Modi-i mapatong aika tenzüktsü

New Delhi, April 13 (Agencies): 126buba Dr. Bhim Rao Ambedkar asoba anogomung, April 14 nü Ato kilonser, Narendra Modi-i linük nung digital payments atema mapatong aika tenzüktsütsü.
Item rongnung shishilembartem atema BHIM Aadhaar platform, BHIM atema cash back aser referral bonus schemes tenzüktsüba den shidi sen mamshiba jila 75 sangdongtsü.
Ato kilonserisa digital payments ajungkettsütsü atema incentive schemes- Lucky Grahak Yojana aser Digidhan Vyapaar Yojana takoker nem senpet agutsütsü.
Item mapatong ajanga linük nung digital ajungkettsütsü aser Dr.Ambedkar mangdang ataloktsütsü.
BHIM-Aadhaar, BHIM App ajanga sensotemi pei biometric data amshia payment sütettsü. Iba atema smartphone nung biometric reader alitsüla. BHIM aadhar platform ajanga smartphones, internet, debit mesüra credit cards amshirtemi digitally transaction sütettsü. Tan bank 27 aser shishilembar lakh 3-i iba mapatong agizükogo, joko parnoki BHIM Aadhar ajanga payments sütettsü.
Ato kilonserisa BHIM atema incentive schemes tasen ana- Cashback aser Referral bonus tenzüktsütsü aser iba nungji ita trok tsüngda sen crore 495 intoktsü.
Referral bonus scheme kübok BHIM amshirtem aser tang tasen amshirtemi pei account nung cash bonus angutsü.
Cashback scheme kübok shishilembartemi BHIM ajanga sen transact asüba shia cashback angutsü. Schemes anaprong ya MEITY aser NPCI-i ketdangsüa inyaktsü.
BHIM App ajanga alima nung otsü tasen ka yanglutetogo; Yaküm December ita nung iba app tenzükba sülen ita pezü tsüngda nisung crore 1.9-i iba app download süa liasü.
Tan financial year nung digital transactions crore 2500 nükjidong yur Ato kilonserisa sen kanga ajema amshiba jila 75 sangdongtsü.
Item jilatem nung anogoshia digital transactions lakh 1.5 asütsü imlar aser ibaji ajanga küm nungbo transaction crore 5.5 shi ajungtsü.