DMC-i senden ayonger

Dimapur, April 13 (TYO): ‘Housing for All’ dak sentakba nung April 17, 2017 anüngdang 12:00 ako nungi DMC office nung DMC (Dimapur Municipal Council) ketdangsertem aser DMC jurisdiction nung colony ajak nungi GBs/Chairmen senden ka amentsü, ta Dimapur Municipal Council Administrator, H. Atokhe Aye-i tanü sangdong ka ajanga metetdaktsü.
Iba senden ya Municipal Affairs Department Kohima Nagaland ketdangsertem leniba nung agitsü, anungji colony balala nungi Council GBs/Chairmen ajak iba senden nung medema arua adentsü mepishia metetdaktsür, ta sangdong nungsa shia lir.