Mon nung Digital payment atema workshop ka agiogo

April 13, 2017 nü Mon Deputy Commissioner Conference Hall nung Digital Cashless Payment Awareness Workshop agidang tangokba noksa nung angur.

Dimapur, April 13 (TYO): Brihostibarnü Mon Deputy Commissioner Conference Hall nung Digital/Cashless Payment Awareness indang workship ka ayongzüka agiogo; iba sentong ya District Administration den National Informatics Centre, Mon-i senteper ayongzüka liasü.
District Informatics Officer, Mon, Ravi Ranjan Kumar-i, digital economy ya lokti nung temelenshi ka atema asenok ajak asoshi maongka lir, ta ashi.
Power point presentation ka agütsüdang pai Prepaid Cards, Debit/RuPay cards, *99# service, Mobile wallets, BHIM App aser UPI App ama Digital Payment Modes ya kanga tongtibang, ta metetdaktsü.
Paisa, ajaki transaction shia SMS angutsü atema bank tem nung mobile number register asutsüla, shinga dena PIN melemsateptsüla, Payment App amshiba sülen logout asütsüla aser ATM nung transactions mapang shinga nema mereprangdaktsütsüla, ta ashi.
Iba sentong nungsa shilem agirtem atema ‘Digital Payment’ nung quiz liasü, aser takoker nem sempet agütsü.
Kasa sentong nung Kumar Raminikant, SDO (C) Mon Sadar, Ilika Zhimomi, SDO (C) Hq, DC office nung ketdangsertem, staff tem aser SBI Mon nungia züngsemtem dena liasü.