Singapore Super Series: PV Sindhu, Sai Praneeth Quarter-Final-i iogo

Singapore, April 13 (Agencies): India nunger badminton asayar P V Sindhu aser B Sai Praneeth na Singapore Super Series asayamung nung quarterfinal-i iogo. Iba asayamung nung takok angur nem senpet USD 350,000 angutsü.
Rio Olympic nung silver medal angula Sindhu shibai iba ita tetenzük nunga India Open koka liasü, lai Indonesia tsür World No. 27 Fitriani Fitriani ghonda ka agia 19-21 21-17 21-8 agi kokogo. Iba asaya Singapore Indoor Stadium nung asayaa liasü.
Quarterfinal nung Sindhu Chia Hsin Lee aser Carolina Marin na asayaba sülen takoker den asayatsü.
Kasa asayamung teburtem asaya nung Praneeth-i 21-15 21-23 21-16 agi China nunger asayar Qiao Bin madak takok ngua liasü. Tena asaya ghonda ka ser minute 12 asayaa liasü.
World No. 30 India nunger asayar Praneeth taruba asaya Thailand nunger asayar Tanongsak Saensomboonsuk den asayatsü jangjaogo.
Tarep temeyoktep asaya nung B Sumeeth Reddy aser Ashwini Ponnappa nati Korea nunger Jae Hwan Kim aser Lee So Hee na nadak 17-21 21-17 21-16 agi koka quarterfinal-i iogo
Reddy aser Ashwini na taruba asaya China nunger temeyoktep tarep asayar Lu Kai aser Huang Yaqiong na den asayatsü.