Lower Bayavü Giants & Zienuobadze High Flyers na final asayatsü

Lower Bayavü Giants nungi Imomenba (abelen) aser Zienuobadze High Flyers nungi Aso nati man of the match sempet agizükba noksa nung angur.

Kohima, April 13 (TUO) : Tang tasayadak 4buba 10 Northern Angami-I T20 asayamung final asaya nung Lower Bayavü Giants aser Zienuobadze High Flyers na asayatsü.
Iba asayamung ya Brotherhood Group-i “Bat for Unity” omen nung ajemdaker KVC Ground, Ziekezou Kohima Yimtak ayonga asayadangtsürba lir.
Final asayaji April 15, 2017 anepdang 11:30 ako nungi SDO (Sadar) Kohima, Kethosituo Sekhose tetushi tejaoker süa tenzüka asayatsü.
Semi Final asaya tanabuba nung Zienuobade High Flyers-i wicket 3 agi Middle Bayavü Lions madak takok ngua final jenjang tongtet.

Lower Bayavü Giants & Zienuobadze High Flyers na final asayatsü added by nungsang on April 13, 2017
View all posts by nungsang →