China nung Rossoneri Sport Investment Lux-i AC Milan alizükogo

Milan, April 13 (Agencies): Serise A nung club tulu AC Milan ya Rossoneri Sports Investment Lux-i Brehostibar anogo nung alizükogo.
European Champion 7ben kokdanga aliba Italy nunger club, AC Milan ya taoba mapang Italy Ato Kilonser asemben tashi inyakdanga alisang, Silvio Berlusconi-i 1986 küm alizüka liasü.
Iba club ya Rossoneri Sport Investment Lux-i sen million $786 agi alizük. Italy nung club temaba jenjang nung aliba China nungeri alizükba rongnung AC Milan ya tanabuba lir. Inter Milan ya China nungeri alizüka lir.
China nung Suning telok ya shishilembar tetsüdi Zhang Jindong meyong lir aser par teloki 2016 küm June ita nung Inter Milan ya Indonesia nunger Erick Thohir ket nungi alizük.