3buba MPL, 2017; All Blacks aser Morning Football na 7-7 agi draw asü

Dimapur, April 13 (TYO) : Tang tasayadak 3buba MPL, 2017 asayamung nung asaya ka nung tanü All Blacks aser Morning Football Club na asayaba repranger manennütsüka asayaogo.
Telok anaprong nungi jangratemtsü goal tem yokba aser kanga toktepa asayaba ajanga tereprangtem kanga jangratema reprangdaktsü. Team anaprongi goal tenetnet (7 each) yoka iba asaya draw nung tembang.
Morning Football Club nung Dikwa-i asaya tenzüker minute 2buba nung mezüng goal yok aser ano paisa minute 51buba nunga goal ka yok. Kasa team nungi Akhavi-i minute 10buba nung goal tanabuba aser minute 69buba nunga goal ka ta yok. Ano Bokato-ia minute 23buba nung ka aser Tseibu-i 29buba aser 89bubatem nung goal kaka yok.
All Blacks telok nung Vashupra-i Hat-trick ka yanglu. Pai minute 32, 33 aser 42 tem nung goal kaka yoka iba Hat-Trick yanglu. Par telok nungisa Renbemo-a Hat-trick ka yanglu aser pai asaya tenzüker minute 38, 81 aser 91 tem nung item goal ji yok. Tena den külemi Azo-ia minute 40buba nung goal ka yok.
Honibarnü asaya yamai alitsü:
Silver White vs Power Comm
Tesem – Kohima Local Ground
Mapang – anepdang 06:00 ako.