Zuckerberg-i yaküm Facebook Stock billion 1 dak tali ayok

April 15, 2017 (Agencies): Facebook ajanga tawa osang agütsüba nung, Zukerbeg-i taoba kümtem nung billion $1 dak tali alang Facebook stock ayokba metetdaktsü. Pai iba ya Chan Zuckerberg-i achaayanga ‘philanthropic investment vehicle’ tasen ka yangluba nung yarisemtsü asoshi inyak.
Kasa osang ajanga ashiba agi, Zuckerberg indang share million 9.6 agi küm ka tejakdang aliba dang nungi tajemba kümogo. Hokolbarnü Facebook ‘closing share price’ osang ajanga item share tem billion $1.3 tang nungi timba asütsü ta metetdaktsü.
Chan Zuckerberg Initiative ya ‘philanthropic investment vehicle’ ka lir koba Zuckerberg aser kinüngtsü Priscilla Chan nati par jala asoba sülen 2015 küm sangdonga liasü. Iba sentong ya taruba küm 10 tsüngda nung billion 3 indoka tashidak ajak anepdaktsütsü merangtsü asoshi bushisüngdangba yaritsü atema tenzük.
Stoke tem paikaji yokaka Facebook nung Zuckerberg indang share shilem 59.7 lir. Forbes ajanga sangdongba agi, Mark Zuckerberg ket nung rongsen billion $58 dak tali lir.