Manipur nung PREPAK (PRO) telungpur ana temai adok

Imphal, April 15 (Agencies): PREPAK (PRO) telungpur ana temai adoka Manipur Chief Minister, N Biren Singh nem raraba oset bendanga agütsüogo.
Iba dak sentakba nung Biren-i, sorkari telungpurtem dang temai adoktsü mepishir, ta ashi.
PREPAK (PRO) züngsem anaji ka Sergeant Major Salam Sitoljit aser S/S Corporal Pebam Bishorjit na liasü.
Salam ya Eastern Nagaland, B2 Camp Taka, Myanmar camp nungi lir aser Pebam ya Nongket, NCTF( Nongpok Chingkhei Task Force), Myanmar camp nungi lir.
CM-isa, temai adoker nem teyari agütsüba inyakyim reprangshitsü, ta metetdaktsü.
CM-isa, sorkar matsüngdangi temai adoker telungpurtem aser parnok kibongtem kümzüka ayutsü atema sorkari inyaktsü, iba den külemi parnok kiojen aser takümtem kümzüka ayutsü, ta metetdaktsü.
Iba sentong nung Deputy Chief Minister Y Joykumar, Cabinet Minister tem, Parliamentary Secretary tem, DGP, Additional Chief Secretary (Home) aser police ketdangsertema dena liasü.