Angh Acharya-i Neingupe nem tenüngsang agütsü

Dimpaur, April 15 (TYO): Nagaland aser Arunachal Pradesh Angh, PB Acharya ya “Swachh Bharat Mission” atema National Ambassador lir aser pai, Neingupe Marhu-i ‘Clean India’ dak sentakba nung pa indang Maruti Van agi jana intokba gari küma yanglushir Pfutsero jila merüktetba atema pa nem tenüngsang agütsüogo.
Angh-i, iba mapa tajung ajanga Marhu-i tebilemtsü katsüba dang masü saka loktiliba nung pei teinyaktsü angatetba sayur, ta ashi.
Acharya-isa Marhu dang lokti atema maneni mapa tajung inyaktsü ajungshiba den külemi pa mapa tajung ajanga lanurtem aika tatishitsü agitsü aser Pfutsero jila merüka ayutsü atema pa tsüngsü nung jajatsü ajungshidaktsüner ta mepishiogo.