Angh-i Shaurya Chakra award angurtem nem tenüngsang agütsü

Dimapur, April 15 (TYO): Nagaland aser Arunachal Pradesh Angh, PB Acharya-i Atu Zumvu aser Captain EY Jami nati April 6, 2017 nü Rashtrapati Bhavan, New Delhi nung linük Tir ket nungi ‘Shaurya Chakra’ award agizükba atema tenüngsang agütsüogo.
Angh-i, ketdangser anati Naga nunger aser linük nüburtem nem konang nüngsang bener arutsüogo, ta ashi.
Item awards ajanga ketdangser ana dak tasütait aser nendaka inyakba tanüla aliba sayur, ta shia Angh-i maneni Nagaland Police aser Indian Army tangatetbatem wazüka ayutsü aser parnok ajanga lanurtem ajungshitsü aser parnok atema tatishitsü agir kaka asütsü ajungshir, ta metetdaktsü.