32 Assam Rifles sepaitemi tapoktsü osettem aika apu

Dimapur, April 15 (TYO): HQ IGAR (N) kübok 32 Assam Rifles sepaitem aser police senteper April 14, 2017 nü mita aodang Mon Basti, Langrijan nung aliba melung malemba ki ka nungi Gelatin sticks 63, Detonators 100 aser Safety fuse metre 200 apu, ta Honibarnü Assam Rifles-i sangdong ka ajanga metetdaktsü.
Iba dak sentakba nung R/o Langrijan, Karbi Anglong District, Assam nung alir asür Sashi Ao kinüngtsü arishi küm 41, Marsenla puogo, ta Assam Rifles sangdong nungsa metetdaktsü.
Maneni iba ken o bushisüngdangtsü atema la den apuba osettemji Dalai Police Station, Karbi Anglong, Assam ket nung agütsüogo, ta Assam Rifles sepaitem sangdong ajangasa metetdaktsü.