Kibuba Tsübubaji Shisatsü Tetenzükdak

Kibuba tsübubaji shisatsü tetenzük lir. Saka sowari tashitemetet aser tesayuba sempar. A. Shin 1:7
Alima nung shisatsü; tapu aika lir. Tanü Tsüngrem nungi anguba shisatsü agi kanga anunga lir. Tsüngrem matenba shisatsü agi kija taküm, kibong, lokti, Arogo alima shirangdaktsür. Iba shisatsü agi tanela taküm küli aika raksatsür, Ochi nungi piladaktsür, Iba shisatsü yagi pei dang masü tangara Kibuba tsübuba shisatsü akartema raksatsür. Tetenzükdak raksara koda tatem atongtsü. Babel lungki yanglur mesüka taküm, kibong akümtsü. (Lipok 11).
Tsüngrem tsübuba shisatsü ajanga takok aser temoatsü angur, Pa medenra takok, temoatsüji mangur, mesangwa nung tashikang keter yima oadoktsü (A. Shin 23:5). Tsüngrem tsübuba shisatsüji ochi, temerük kobai ajak asoshi bilemer, inyaker taküm temerük, achi-aj em, sübosülem, libaliro taküm rangpeni Tsüngrem noksa sayur.
Kenü Mahatma Gandhi dang külem India lima nüchiso asoshi inyakertem naia alima dang osang ka shiang ta ashi. Pai langzü “kü takümji kü Osang” Taküm rangpen agi India asoshi ali aser tenla. Ochi taküm. Naia/nia kechi noksa, kibong, alima nem doktsür ?
Sarasadem: Kibuba, Na ama alitsü ni yariang. Amen