Kaizala Android App ajanga Andhra nüburtemi CM den sendakteptsü

April 16, 2017 (Agencies): Smartphone ajanga ‘app’ ka angati agi download asüba ajanga Andhra Pradesh nung aliba nüburtemi Chief Minister N. Chandrababu Naidu den indang indanga sendakteptettsü.
Nüburtem teinyaktsü ajak agi, parnok phone tem nung ‘Kaizala’ app install asütsü nüngdaker. Iba angat agi download asüba mobile ‘chat app’ ya Microsoft-i yanglu aser iba ajanga mapang ka nung nisung aika sensaksemteter.
Iba ‘app’ ya Chandrababu Naidu kisüng-i dang amshitettsü. Nüburtemi iba ajanga Sorkar sentongtem ajungkettsü asoshi pie tebilemba aser timtembatem lemsateptettsü.
Nüburtem tebilembatem Naidu-i asadangtsü aser iba dak ajemdaker nüburtem tajangzük asoshi sorkar policy tem tajungba küma yanglushitsü, ta CMO nungi osang ka ajanga metetdaktsü.
Nüburtemi anogoshi ajuruba timtemtem; pension, ration, tzü amala aser ano tanga timtemtem CM-i angadanga kechi department nung item timtemtem ali, itemji asadangtsü.