Anüng nungi amakdang Pakistan nung kiralongrar 15 tepsetogo

Islamabad, August 17 (Agencies): Pakistan military temi tenemlen aliba Khyber Agency anüng nungi amakdang tajemba agi kiralongrar 15 tepsetogo, ta Hombar nü ketdangsertemi sangdong ka ajanga metetdaktsü.

Military temi Pakistan o Afghanistan na arrtsülen aliba Khyber Agency nung Rajgal tesem nung anüng nungi maka liasü, ta Geo News ajanga metetdaktsü.

Inter-Services Public Relations ajanga ashiba agi, iba amakba mapang asürtem rongnung pei taküm tenla agüja temang nung bomb alenloker apoker-a nisüng ana dena liasü.

Yaküm June ita nung Karachi tayimtsü anenba tesem nung lendong atalokba sülen security force temi iba ita nungsa Khyber Agency aser North Waziristan nung kiralongrar aliba tesemtem kanga junga mita aotsü tenzükba maparen dak sentakba nung iba anüng nungi amakba ya-a ka lir.