Dimapur Police ajanga metetdaktsür

Dimapur, April 16 (TYO): April 12, 2017 nü Dimapur Stadium nung nisung kar tim mesüi kazütepdang Dimapur Police nungi kari parnok nem agüja aliba tashi dak alia inyakba aser police-i item video ji social media nung prokshibaji kanga tia maka tatalokba ka lir, aser ibaji ozüng alema benshiba lir, ta tanü Addl. Dy Commissioner of Police/PRO, Dimapur, Nagaland-i sangdong ka nung metetdaktsü.
Iba dak sentakba nung Dimapur Police-ia iba ama inyakbaji memedentsür aser police kari tashi alia amshibaji aitsür ta jangjashitsür, ta sangdong nungsa shia lir.
“Iba dak sendakba nung item police nem temerenshi tapet agütsüogo aser mapa nungi anenja lir,” ta police sangdong nungsa shia lir.
“Dimapur Police-i sensotem dang, onoki maneni nüburtem tajungtiba agi tenzüktsü merangtsü aser ozü züngsemtemi tim mesüi benshiba mesüra inyakbaji magizüktettsü,” ta kasa sangdong ajanga metetdaktsü.