Thailand chuba Oct 26 nü aremtsü

Bangkok, April 19 (Agencies): Thailand chuba asür Bhumibol Adulyadej October 26 nü aremtsü, ta Bodbarnü sorkar ketdangser kati ashi.
King Bhumibol den asüpila sentongji anogo pungu agitsü aser pa mang aremtsü indang osang sangdongba ajanga Bhumibol’er jabaso King Maha Vajiralongkorn nem chuba menden bendanga agütsüba maparen tenzüktsü.
“Chubai sorkar sentong mulunga agizüker. October 26 nü mang aremtsü” ta ketdangserisa shisem.
“Asüpila sentongji anogo pungunü agitsü” ta Mongulbarnü Deputy Prime Minister Wissanu Krea-ngam-ia metetdaktsüogo.
King Bhumibol ya arishi küm 88 nung yaküm October ita asü. Pa mapang talangka shiranga aruba sülen asü.