Myanmar Thingyan Water Festival nung nisung 285 asü

Nay Pyi Taw, April 18 (Agencies): Myanmar nung anogo pezünü tzü benjung nung lendong balala ajurua nisung 285 asü aser 1,073 yirua lir, ta osang ajanga metetdaktsü.
Taküm Thingyan water festival ji Brihostibar nungi Deobar tashi amung aser yaküm dang nungi 13 ben agi teimba nisung süogo.
Maneni, iba benjung nung ozüng alema inyakba ken o 1,200 shi benoka lir, ta ketdangsertemi ashi.
Tasürtemji Nay Pyi Taw nung 10, Yangon nung 44, Mandalay nung 36, Sagaing region nung 26, Tanintharyi region nung 11, Bago region nung 37, Magway region nung 11, Mon state nung 20, Rakhine nung 17, Shan state nung 29 aser Ayeyawaddy region nung 28 liasü.
Ozüng alema mapa inyakba ken o tem rongnung niusng tepsetba, gari lendong atalokba, ozüng alema mozü amshiba, prangpong abenba aser lokti tashiyim mapa inyakbatem dena lir.
Yaküm Thingyan water festival nung nisung 272 asü aser 1,086 yirua liasü.