US nung yimsüsür nüngtutibaji Bernie Sanders lir

Washington, April 19 (Agencies): United States nung registered voters shilem 57-i vote agütsüba nung US nung nüngtugutiba yimsüsürji Vermont Senator Bernie Sanders lir ta bushitetogo.
Bernie Sanders ya arishi küm 18 nungi 34 tsüngda aliba lanurtemi kanga sapur aser parnoki pa nem 62% approval rating agütsü. Maneni, arishi küm 50 ser temapurtem rongnunga teimba kati pa kanga sapur, ta Harvard-Harris survey tesübuba ajanga metetdaktsü.
Survey nung Trump administration ketdangsertem mesüra congressional lennir 16 rongnung nisungtem sapubaji pa dang lir, ta parnokisa shisem.
“Hillary (Clinton) den tamakok anguba ajanga Bernie Sanders-i party yimsüsüba madak takok angu” ta Harvard-Harris Co-Director Mark Penn-i osangbener dang ashi.
February ita agiba Harvard-Harris poll nung Hillary Clinton 42% positive aser 53% negative angu.
Harvard-Harris survey ya Harvard Centre for American Political Studies aser The Harris Poll nati ketdangsüa inyaker.