Jadhav chioktsü atema Centre-i inyakdar: HC

New Delhi, April 19 (Agencies): Pakistan-i India senso, Kulbhushan Jadhav nem tasüba temerenshi agütsütsü obendang agütsüba anema International Court of Justice nung temepishiba benoktsü atema Delhi High Court dang mepishia liasü, ajisüaka ibaji magizüki Court-i, pa chioktsü atema Centre sorkari mera ajak agia inyakdar, ta metetdaktsü.
Acting Chief Justice, Gita Mittal aser Justice Anu Malhotra nati akumba bench-i, sorkari sensotem kümzüktsü atema inyaktsü, ta metetdaktsü.
“Sorkari mera ajak agia inyakdar. Iba nungji court-i tiyongtsüi maitsü,” ta High court bench-i metetdaktsü.
Additional Solicitor General (ASG), Sanjay Jain-i India Union-i Jadhav chioktsü atema inyakdar, ta metetdakja lir.
Iba ya ken o tasak ka lir, aser sorkari agiba meratemji open court nung metetdaktsüra iba maparen nung tamakok angutsüa akok, ta bench-isa ashi.
April 10, 2017 nü Pakistan army tongtii, Pakistan nunger military court kati taoba mapang Indian navy ketdangser, Jadhav aitsüogo, aser pa nem tasüba temerenshi obendang agütsüogo, ta metetdakja liasü.