‘Victor’ North-East Masters badminton championship” Dimapur nung asayatsü

Dimapur, April 19 (TYO): ‘Victor’ indang mezüngbuba North-East Masters (Veteran Mens) Badminton Championship, Nagaland Badminton Association kübok Dimapur District Badminton Association (DDBA)-i ayonga Dimapur nung 2017 May 4 nungi 6 tashi akatsü.
Association ajanga ashiba agi, iba asayamong ya Northeast state tem nem badminton asayaba sabang ka nung külemi arua asayaba ajanga medemer kümteta tali longjemshitsü nükjidong nung ayongzüker. Maneni asayamong tatembangba anogo nung kentenba sentong-a ka ayongzüka akatsü.
Asayatem tesem ana nung asayatsü; Dimapur District Badminton Indoor Stadium, United colony, Nagarjan aser Kuda Youth Badminton Indoor stadium, Kuda village, Nagarjan.
Iba asayamong category 7 lemsar asayatsü: 35+, 40+, 45+, 50+, 55+, 60+ aser open category koba nung asayar anaprongla senteper küm 95 bosa ajungtsüla. Asayartem ajaki pei küm jangjatsü asoshi kuli tejangja bener arutsüla, ta ketdangser osang ajangasa metetdaktsü.
Asayamong akatsü asoshi asayar telok 7 bo sa alitsüla. Asayar kati category ana nung shilem agitettsü. Asayamong nung shilem agitsü asoshi telok shia dang nung sen 1000 agitsü aser asayamong nung tenüng züngsemtsü atema tatembangbuba anogoji May 1nü asütsü. Fixture May 2 nü yanglutsü.
Asayamong nung senpetji VICTOR-i agütsütsü. Winner nem sen 20,000 aser Runners-Up nem sen 10,000 agütsütsü. Semifinal nung shilem agir ajak nem sen 4000 agütsüba den külemi sponsor ajanga takoker ajak nem tanga sempet balala agütsütsü.
Nagaland nungi asayartem ajak pei pei district badminton association ajanga tenüng züngoksemtsüla. Nagalang nungi asayamong nung shilem agitsü asoshi jangrartemi DDBA ketdangser, Hyunilo Anilo Khing(9612 165357) aser Along (9774006269)-na den tongteprateptsü asoshi kasa sangdong ajanga metetdaktsü.