Apple iPhone amshirtemi message ola adoka züngdaktsütsü asoshi ‘Siri’ amshitettsü

April 22, 2017 (Agencies): Apple iPhone amshirtem atema WhatsApp-i update tasen ka sütsüogo. Hokolbarnü iPhone amshirtem atema WhatsApp-i ‘v2.17.2’ update sayaogo. Iba uptate tasenba nung tema terprangtsü melenshiba den külemi ‘Siri’-i WhatsApp message tem züngtettsü. Ajak senteper iba app nung temelenshi 4 lir.
Mezüngbuba nung Contacts Info, Group Info screens aser Calls tab nung visual enhancement tem nung temelenshi bener aruogo. Tanabuba nung Apple iPhone amshirtem nem Statuse tem ‘forward’ mesüra ‘delete’ asütsü asoshi kenyongi aika shimtettsü atema maongka agütsür.
WhatsApp update tasenba nung Persian language support asütsüba densema lir. Aji saka iPhone amshirtem atema Update ajak rongnung nungtugubaji, ‘Siri’ WhatsApp message tem ola adoka züngtettsü.
Iba feature ajanga iPhone amshirtem nem gari anidang parnok phone amshitsü asoshi temelaba kümdaktsütsü. Iba ya masüdangbo WhatsApp-i ‘Siri’ ajanga parnok contact nung alirtem dangi dang message yoktsü asoshi maongka agüja liasü.
Tangbo iPhone amshirtemi ‘Siri’ dang parnok indang WhatsApp message tem zünga ashitsü asoshi melamela dang asüngdangtsü. Maneni ‘Siri’-i message aruba nung telangzüba agütsütsü asoshi asüngdangtsü.
Iba 90MB WhatsApp update ya Apple iPhone ‘iOS 10.3+ version’ amshirtemi dang amshitettsü.