Half Girlfriend film May 19 nü sayatsü

Mumbai, April 22 (Agencies): Shraddha Kapoor aser Arjun Kapoor nadi shilem agiba film Half Girlfriend May 19 nü India nung film sayudak tesem 1600 nung sayatsü.
Iba film ya Mohit Suri-i direct asü aser Narendra Hirawat and Co meyong NH Studioz ajanga film prokshitsü asoshi temeden nguogo.
‘Iba movie ya Chetan Bhagat nunger amala nüngtugu kaket zülurtemi züluba kaket nung ajemdaker yangluba movie ka lir, aser taoba mapangtem ama lanurtemi tali tesapuba asütsü. Film takok angutsü asoshi lokti shidak dang sayutsü nüngdaker. Taoba film ‘Begum Jaan’ amalabo nisung tintet dang sayutsü asoshi tali tenüngdakba liasü, anungji onoki film sayuba tesem 956 nung dang sayaa liasü,” ta, NH Studioz, Managing Director, Shreyans Hirawat-i ashi.
Iba Film ya Chetan Bhagat indang otsü kaket nung ajemdaker yangluba film ka lir. Film nung Arjun-i Madhav Jha shilem agir aser Shraddha-i Riya Somani shilem agir.