ADC Mangkolemba-i Mangkolemba nung legal aid clinic lapoktsü

Dimapur, April 22 (TYO): April 22, 2017 nü Mangkolemba ADC, T. Imtiwapang Aier-i Mokokchung District Legal Services Authority (MDLSA) kübok Mangkolemba nung legal aid clinic ka lapoktsüogo.
Iba sentong nung tongti tesemdanger o jembidang Imtiwapang Aier-i ozüng timi benokba aser obendang shitak angutsü koda tongtibang, iba onük nung jembia liasü.
Paisa MDLSA-i Mangkolemba nung legal aid clinic lapoktsüba atema pelaba metetdaktsüba den külemi iba ya ajanga nüburtem ajangzüktsü aser ochi obendang angutsü imlar, ta ashi.
Shisalen sayurtemji- Phuleto Yeptho, JMFC & Secretary MDLSA aser Apong Thongliu, Assistant Public Prosecutor, Mokokchung na liasü.
Iba sülen o lemtepba mapang agia liasü. Iba sentong ya Wt. Bendangsenla, PLV MDLSA leniba nung agiogo.