I-League: Aizawl FC-i Mohun Bagan 1-0 agi akok

Aizawl, April 22 (Agencies): Mizoram yimtiba nungi Aizawl FC-i India nung kangadang nüngtugu club Mohun Bagan Honibarnü goal ka agi kokogo.
Rajiv Gandhi Stadium nung asaya tanabuba shilem minute 83 buba nung Mizo nunger asayar Zohmingliana Ralte-i goal agütsüba ajanga asaya parnoki koka liasü.
Iba takok ajanga Aizwal puri asaya 17 nungi point 36 nguogo koba Mohun Bagan pur asaya 17 nung point 33 ngua aliba dang nungi point 3 agi timba lir. I-League marok abentsü asoshi Aizwal pur taruba asaya April 30 nü Shillong Lajong den Shillong nung asayadang takok mesüra draw asütsü nüngdaker.
Aizwal FC I-League nung asaya tenzüker taküm agi küm anabuba dang lir.
Aji süaka kasa anogo nung Mohun Bagan aser Chennai City FC na asayaba nung Mohun Bagan-i koker, Aizawl-i Shillong Lajong mekokra Mohun Bagan-i I-League akoktsü.
Yaküm küm I-League asaya nungbo Aizawl FC pur jenjang 8buba nung liasü. Parnoki April 30 nü asaya koka I-League marok benra Northeast club tem rongnungi iba marok abener parnok mezüngbuba asütsü.