Nagaland nunga ‘Sadbharana Diwas’ amungtsü

Kohima, August 17 (TYO): Linük den tsüngkang medema Nagaland nunga August 20, 2015 nü ‘Sadbharana Diwas’ amungtsü. Iba omen ya linük nung oshi-oben balala, tamangba yimsü balala aser sobaliba balala nüburtem ajak lungjemer tesünep nung alitsü nükjidong nung lir.
‘Sadbharana Diwas’ amungba ya rara nungi pilaa alitsü aser nüburtem tsüngda jungtepa alitsü asoshi lir.
Sangdong ka ajanga State Chief Secretary, Pankaj Kumar IAS-i, department tem dang pei office sasep nung iba sentong ayongzüktsü aser Sadbharana Day tenangzükba agiba sentong ketdangsüa agitsü asoshi mepishiogo.
Ano tanga temetetdaktsüba balaka nung Home Department Secretary, Bendangkokba-i, Sadbharana Diwas tenangzükba August 20, 2015 anüngdang 11:00 ako nung Secretariat Conference Hall nung akatsü, aser iba sentong nung Civil Secretariat nung ketdangser tem ajak aser staff ajak arua shilem agia adentsü metetdaktsüogo.