Kubolong nung Legal Aid Clinic lapok

Dimapur, April 24 (TYO): April 24, 2017 nü Kubolong EAC, Tongdiba Tongpi T. Sangtam-i Mokokchung district, Kubolong nung Mokokchung District Legal Services Authority (MDLSA) kübok legal aid clinic ka lapoktsüogo.
Iba sentong nung tongti tesemdanger o jembidang Tongdiba Tongpi T. Sangtam-i Kubolong headquarters nung District Legal Services Authority (DLSA)-i legal aid clinic lapoktsüba atema pelaba lemsatep.
Iba legal aid clinic ajanga nüburtemi ochi temeten ngua tajangzük angutsü, ta shia pai nüburtem dang iba service agitsü ajungshi.
Iba sentong nung shisalen sayurtemji- Phuleto Yeptho, Secretary MDLSA & JMFC, Apong Thongliu, Assistant Public Prosecutor Mokokchung aser I. Imkong Jamir, Retainer Lawyer MDLSA nunger liasü.