KCCI-i digital database lapoker

Kohima, April 25(TYO): Kohima Chamber of Commerce and Industries (KCCI)-i Kohima nung Trading Community atema digital database ta lapokogo aser iba ya state nung mezüngbuba asütsü.
KCCI Tower, President Jabou Sekhose-i osangbener den jembidang, “digital database ji KCCI atema kanga nüngdaker kechiyong register süa aliba züngsemtem atema database tajung mali” ta ashi.
Iba digital database ya KCCI atema dang masü saka state sorkar atemaa tajangzük asütsü kechiyong iba ajanga statistical data aser Kohima Smart City ka asoshi digitalizing nung teyari angutsü, ta Sekhose-isa ashi.
KCCI-i lapokba digital database nung microchip enoksema lir aser iba nung shishilembar indang temetettsü keta lir, ta paisa shisem.
Iba digital database lapokba indang tongtipang inyakyim kaji KCCI kübok shishilembar shia nem smart card ka ka agütsütsü. Smart card nungji Unique Identification Number (UIN) ka lir aser ibaji registered trader indang account den sendaktepa lir aser identity card ama amshitettsü, ta KCCI President-isa metetdaktsü.
Paisa ashiba agi, KCCI nung registered traders 3200 aliba nungi traders 1300 nem smart card agütsütsü atema kulikakettem jangjaogo.
KCCI züngsemtemi smart card atema sen 300 agütsür register asütsü atema Jabou Sekhose-isa ashi.