Salman Khan-i pa Bodyguard 3 mapa nungi anentsü

April 26, 2017 (Aegncies): Salman Khan ya Bollywood nung ajaki kanga dang meimba actor ka lir. Pa dak taidok aser molungso yimya ajaki meteta lir aji saka ano meshidaki inyakertema pai merenshiba yimyaa ajaki jangjaa lir.
Osang ajanga ashiba agi, pa indang juri osang prokshiba nung temolung melemi bilemba ajanga tawa pai pa indang bodyguard asem mapa nungi anentsüogo. Item rongnung bodyguard Shera bo densema mali.
Osang ajangasa ashiba agi, Salman bodyguard temi pa juri osang media nem agütsüba ajanga pai parnok mapa nungi anentsütsü asoshi lemtet. Iba amala yimya benshiba nung kanga tezüdanga pai par asem mapa nung anentsü.
Maneni Salman-i pa par kibong nungi piladaktsüba atema pa manager Reshma Shetty hopta ishika tejakdang mapa nungi anentsüa liasü. Osang ajangasa ashiba agi, Reshma-i Salman pa tenu Suhail Khan den ajurutepdaktsütsü kangabo memolungi liasü.