Julia Roberts-i Lionel Messi aser Cristiano Ronaldo ajuru

April 26, 2017 (Agencies): Hollywood actress Julia Roberts-i El Clasico FC Barcelona aser Real Madrid na asayaba anogo nung nüngtugu football asayar Lionel Messi aser Cristiano Rolando na den ajurutepa liasü.
Julia ya Hill, Pretty Woman aser Ocean’s Eleven film tem nung shilem agiba sülen kanga nüngtugu aküm. La par kibong den Santiago Bernabéu Stadium semdangba mapang parnok ajurua liasü.
Julia-i Real Madrid star Ronaldo, Luka Modric, Marcelo aser manager Zinedine Zidane nunger den tangokba noksa Twitter nung inokja liasü.
Maneni lai Santiago Bernabéu Stadium semdangba mapang FC Barcelona star Messi den tangokba noksaa lemsatepa liasü.
Julia Roberts November itaa Manchester United stadium Old Trafford nung united aser West Ham asayaba mapanga stadium nung asaya repranga liasü.