Hebron-1 colony nung lenmang yanglushi

Dimapur, April 26 (TYO): April 25, 2017 nü Hebron- 1 colony, Phek nung lokti nübokdoka mapa inyak aser iba mapang nung gari lenmang nung ongken atepa liasü.
Colony Youth President, Kewetso Khape-i ashiba agi, lanur 50-60 shii long belena colony lenmang yanglushi.
Colony Youth-isa department dang tarutsü nung iba lenmang yanglushitsütsü atema mepishiogo.
Iba mapa takok ngua inyakba atema Hebron- 1 colony nüburtemi Phek Deputy Commissioner, Murohu Chotso aser SDO (C) Vekusheyi-i melungsoa department trucks agütsüba atema pelaba olen ka lemsatep.