Mangkolemba jila-i arr atsütepba sentong ayongzük

69buba Independence Day amungdang kiyong-kiyong arr atsütepba yangi noksa nung angur. (Mangkolemba, August 15, 2015)

Dimapur, August 17 (TYO): August 15 nü Mangkolemba jila nung 69 buba Independence Day nüngtem nung kiyong-kiyong arr atsütepba ayonga liasü.
Iba asaya nung Parliamentary Secretary for Housing, Er. Levi Rengma-i whistle apua asaya lapoktsü aser iba asaya nung kiyong tenet den administration team dena parnok telok ti-i shilem agia liasü.
Tatem nung Mangko ward o Hokiyong ward na atsütep aser Mangko-i takok ngua parnoki senpet sen Rs. 5000/- agizük. Tanabuba jenjangji Hokiyong ward-i ngua parnoki senpet sen 3000/- agizük, ano kasa asaya nung shilem agir telok shia nem senpet sen 1000/- ka agütsü.
Iba tetoktepba nung mezüngbuba takok senpetji Wb. Tinu Longchar, SDO, PHED-i renemtsü aser tanabuba takok angur nem senpetji Er. I. Tiameren, EE, PWD (R&B)-i renemtsü. Aser iba tetoktepba ya küm shia Independence Day amungdang alitsü ta metetdaktsü.