Sorkar mapa inyaker training agirtemi Mon district Hospital semdang

Dimapur, April 26 (TYO): April 26, 2017 nü Mon district nungi state sorkar mapa inyaker Induction Training Programme tanabuba shilem training agirtemi field visit ao aser tang agiba training dak sendakba nung Mon district hospital temeket merükteta liasü.
Er. N.Moa Longkumer, Dy. Director (Training) & Nodal Officer for ITP, Tsenthungo E. Ngullie, EAC, Mon, Dr. Kechongol Sophie Medical Superintendent Mon aser Imlibenla Jamir, Lecturer ATI nunger leniba nung training agirtemi iba mapaji inyaka liasü, ta ketdangsertem sangdong ka ajanga metetdaktsü.