Tanü PM-i air connectivity scheme tenzüktsütsü

New Delhi, April 26 (Agencies): Brihostibarnü Ato kilonser, Narendra Modi-i ‘UDAN’ scheme tenzüktsütsü, koba ajanga jenjang tajemba tayimtsü agi regional connectivity jenjang tajungba akümtsü.
Shimla nung iba UDAN (‘Ude Desh ka Aam Naagrik’) scheme tenzükja Ato kilonseri Shimla-Delhi, Kadapa-Hyderabad aser Nanded-Hyderabad sectors nung tayimtsü ka tenzüktsütsü, ta tanü PMO ajanga metetdaktsü.
“Tongtibang tesemtem nung sensotemi tayimtsü service angutsü atema ‘Ude Desh ka Aam Naagrik’ RCS (regional connectivity scheme) ya October, 2016 nung tenzüka liasü,” ta PMO-isa metetdaktsü.
UDAN Scheme ya National Civil Aviation Policy (NCAP) indang tongtibang shilem ka lir aser iba ya 2016 küm June ita nung sayaa liasü.
“Tayimtsü ka nung kilometer 500 shi ainlen khen senzüba mesüra helicopter ka nung minute 30 ainlen senzüba nung sen 2,500 asütsü,” ta kasa osang ajanga ashi.
Narendra Modi Ato Kilonser akümba sülen tang mezüng pai Shimla semdanger asütsü, aser iba mapang nung pai Ridge Maidan nunga lokti senden ka nung jembitsü.