Tang tashi Bihar, Assam, Nagaland, nung ‘Swachh Bharat’ metenzük

New Delhi, August 17 (Agencies): ‘Swachh Bharat’ mission kübok jila tesemtem nung metsümeshitak yangluba maparen Assam, Nagaland, Bihar, Jharkhand, Kerala, Tripura aser West Bengal densema Union Territory aser state 14 nung tang tashi metenzük, ta osang ka ajanga ashi.
Centre sorkari benokba programme kübok metsümeshitak yangluba nung atsüngzüka aliba tanga state aser UT temji- Andaman & Nicobar Islands, Arunachal Pradesh, Daman & Diu, Dadra & Nagar Haveli, Lakshadweep aser Meghalaya lir, ta Union Urban Development Ministry nung tongti ketdangser kati metetdaktsü.
UD Ministry data ajanga sayuba agi, ano Union Territory aser state 10 nung tang tashi ‘Clean India’ dak sentakba ‘solid waste processing metenzüki lir.
Item state aser UTs ji- Assam, Bihar, Chattisgarh, Daman & Diu, Dadra & Nagar Haveli, Jharkhand, Nagaland, Sikkikm, Tripura aser West Bengal lir.
Iba dak sentakba nung Urban Development Union Minister, M Venkaiah Naidu-i Ministry ketdangsertem dang item state aser UTs atema ministry ketdangsertem dang kuli bushitsü aser maparen tenzüktsü asoshi tuyuogo.
Swachh Bharat Mission mapatong nükjidong rongnung, 2019 küm tashi nung jila/yimti nung aliba kibongtem nung metsümeshitak crore 1.04 yanglutsü, nübur aliba tesemtem nung metsümeshitak lakh 5 yanglutsü aser kilen shia nungi jana/rüja bendener bena intokba maparen shilem 100 nung noklang asütsü densema lir.