UGC-i nüburtem dang metetdaktsür

Dimapur, April 27 (TYO) : 2016-17 nungi 2019-20 tashi Sam Higginbottom Institute of Agriculture, Technology & Sciences (SHIATS), Allahabad ajanga ‘distance education programme’ agütsütsü nokdanger, ta University Grants Commission (UGC)-i metetdaktsü.
Iba sangdong ya UGC, Joint Secretary, Dr. Avichal Kapur-i UGC, Act 1956 (as amended) nung aliba ama F.No. 52-1/2016 (DEB-III dated 24th April, 2017, nüburtem dangi sangdong) kübok metetdaktsü.
Sam Higginbottom Institute of Agriculture, Technology & Sciences (SHIATS), Allahabad-211007-i maneni UGC-i latetba temzüng ozüng aser tetuyubatem alema inyaka arur, ta UGC-i ashi.
UGC-i 2016- 17 nungi 2019-20 tashi SHIATS, Allahabad nungi Open aser Distance Learning kecha magütsütsü nokdang aser tanabuba nung, temalen shia aliba kümtem nung par Institute nung kaketshir shinga Distance Education atema tenüng mezüluoktsü metetdaktsü.
Anungji nübur shingaia Sam Higginbottom Institute of Agriculture, Technology & Sciences (SHIATS), Allahabad nung 2016-17 nungi 2019- 20 tashi distance education atema tenüng magütsütsü metetdaktsür.