Bangkok bomb lendong nung India nunger shinga masü

Bangkok, August 17 (Agencies): Thailand yimtiba, Bangkok nung Hombar aonung par mapang 7:00 ako (India nung 5:30 ako) Hindu nunger tekülem ki, Lord Brahma kima bomb apokba lendong nung bendanger pezü densema tajemba agi nisung 27 poksetogo, ajisüaka iba lendong nung India nungerbo ka danga masü.
Thailand nung India Ambassador-i, iba lendong nung India nunger asüba osangbo mali, ta shiogo.
Seret 5 amshia yangluba TNT tapoktsüji tekülem kima metre 40 telungtet nung apok, ta police-i ashi.
Iba dak sentakba nung Defence Minister Prawit Wongsuwong-i, “Iba ya TNT bomb liasü. Iba mapa tamajung inyakertem yagi bendanger yirutsütsü aser linük tourism den rongsenkettsüng jenjang raksatsütsü nükjidong nung inyak,” ta aitsüogo.
Bangkok nung alir India nungertemi helpline number-+66618819218 aser +6622580300-5 ajanga tongteprateptettsü.