Hatigaon nungi shishilembar bua bener aoba kümzükogo; doctor ka dena nisung 9 bua lir

Guwahati, April 28 (Agencies): Nagarbera, Kamrup nung ghonda 30 bushisüngdangba sülen Assam Police indang CID temi shishilembar Ashraf Khan kümzükogo.
Ashraf Khan ya Sijubari, Hatigaon nungi April 21 nung bua bener ao. Iba ken o nung doctor ka aser tetsür ana tensema parnok 9 bua lir.
Ashraf aburtem ya Abdul Mannan, Lutfur Rahman, Kalam Ali, Mohammed Ali Jinnah, Muzammil Haque, Runuma Begum aser Rajina Begum ta jangjaogo.
Nisung aburtemi Ashraf taküm alangzüktsü atema sen crore 5 meshi. Nisung aburtem ya Northeast tesemtem nung prangpong shibelenba maparen nung dena lir südi, ta police temi temolung malemer.