Sungro nung Customary Court semzükogo

Dimapur, April 28 (TYO): April 27, 2017 nü SDO (C) Sanis, Nchumbemo-i Sungro nung DB Customary Court semzüktsüogo.
Iba sentong nung jembidang SDO (C)-i, customary court ya akhümtsübutsüla, kechiyong iba ya Sungro Range nung temaba court lir, ta metetdaktsü.
Paisa tzükong nüburtem dang Sungro range nung DBs den amalitepa inyaktsüla, kechiyong parnoki ochi obendang agütsütsü, ta metetdaktsü.
Kasa sentong nung EAC Lotsu, Sanis aser Sungro nungi DB temi o tatsütsü jembi aser Sungro kübok yim trokprongla nungi züngsemtema sentong nung dena liasü.
Sentong nungsa Contractor, Renpi Ngullie-i iba building yangluba osang metetdakja liasü. Iba sentong ya EAC Aitepyong, Er. ImliAkum leniba nung agi aser Head DB Sungro, Mhonrao Kikon-i tepela anküp o jembia liasü.