21 buba Watsü Mungdang lokti senden kaogo

NPSC züngsem, Chubala Wai-i anogo ananü Ao Women Organisation (Watsu Mungdang) sentong nung jembiba noksa nung angur. (Mokokchung Town Hall, April 27, 2017).

Mokokchung, April 28 (TYO): April 27 aser 28 anogo ananü agia 21 buba Watsü Mungdang lokti senden sentong yangi Mokokchung town hall nung “Aowli Temelenshi” omen nung ajemdaker takok ngua mungogo.
Iba sentong nung tongti o jembirji; Ao Theological Association Director Wt. Talijungla aser NPSC züngsem Wt. Chubala Wai na liasü. Tejembirtemi tensa den apet tagitsü onük aika bener arua mungdangsangertem ayongzüka liasü.
Taruba Watsü Mungdang item lenisüba kübok bener aotsü; tir Wt. Maongienla (Waromung), tatong tir Wt. Temsüjungla (Mongsenyimti), tongti zülur Wt. Moanaro (Mangmetong), repsem zülur Wt. N. Amenla Lemtur (Chuchuyimpang) nungertem teloki mulunga shimogo.