Senior Citizen temji state asoshi rongsen: Angh

Dimapur, August 17 (TYO) : Nagaland nung Senior citizens atema jembidang Nagaland Angh, PB Acharya-i Senior citizen temji state asoshi rongsen lir ta ashi.
Angh PB Acharya-i Raj Bhavan nung Nagaland Teachers Association (NUTA), Khonoma Nature Conservation & Tragopan Sanctuary Trust (KNC&TST), Nagaland Tribal Council (NTC) Nagaland Senior Citizens Association (NSCA) aser Welfare Association for Handicapped (WAH), Dimapur nunger den sensaksemba mapang iba onük jembi.
Mumbai nungi Rotary Club-i Nagaland nung education renlokdaktsütsü atema inyakba mapa nung shilem agia Gamadi Vidaya Bharati School Dhansaripar, Dimapur nem school bus gari ka agütsür. Ano Border Road Task Force (BRTF)-i Kohima aser Dimapur national Highway nung bamboo toilets asem yanglutsü aser item ajak ya pai acha-ayangba ajanga lir ta senden nungsa Angh-i metetdaktsü.
NUTA-i Angh nem tezüluba ka agütsüba nung Nagaland University (NU) Campus asem nung senotsü tim mesüi amshiba atema busshisüngdang asütsü shia lir.
Ano, Khonoma Nature Conservation & Tragopan Sanctuary Trust (KNC&TST)-i jaokba agizüka Angh aser pa kinüngtsü nati August 21, 2015 nü Khonoma semdangtsü aser idakji yipzüktsü.
Nagaland Senior Citizens Association (NSCA)-i Angh dang old Secretariat nung parnok office yanglushitsü atema teyari meshi aser iba atema Angh-i sen meyirjang 50,000 agütsü.
Welfare Association for Handicapped (WAH), Dimapur den sensaksemdang Angh-i Roads & Bridges department ajanga disable welfare complex tashi link road black topping asütsü ta nangzük.