Google indang CEO, Sundar Pichai itasen anogoshia sen crore 3.52 angur

Hyderabad, April 30 (Agencies): Google indang CEO, India nunger Sundar Pichai nem taoba küm ‘compensation’ sen million $ 200 agütsü aser iba sen ya 2015 küm anguba dang anaben agi timba liasü. Taoba küm Pichai nem ita sen $ 650,000 agütsü aser 2015 küm bo pa nem ita sen $ 652,500 agüja liasü.
Mapang talangka nungi Pichai ya Google nung mapa inyaka arur aser 2015 küm August ita pa nem CEO mapa agütsü aser 2016 küm ‘stock award’ sen million $ 198.7 pa nem agütsü aser iba sen ji 2015 küm agütsüba sen million 99.8 dang nungi anaben agi timba liasü.
Pichai nem sen aika agütsüba aser CEO mapa agütsüba ya company nung committee ka shima iba telok ajanga achayanger. Google co-founder aser taoba CEO, Larry Page indang nükjitong melena tang Alphabet kübok inyakba mapang ka lir.
Pichai lenisüba nung Google ajanga ‘advertisement’ aser YouTube ajanga shishilembaba nung renloka odagi. Iba kisüng masü saka ‘machine learning’, hardware aser ‘cloud computing amala nunga sen aika indoka maparen tasen bushisüngdangba mapang lir. 2016 küm Google ajanga smartphone, virtual reality headset, router aser ‘voice controlled smart speaker’ amala oset tasen aika sayaba ajanga Pichai nem ita sen timba agütsür, ta company ajanga ashi.
Google indang ‘hardware’ aser ‘cloud service’ amala ajanga taküm kisüng nunga sen billion $3.1 aazüka lir aser iba sen ya taoba küm ita pezü tsüngta aazükba nungi shilem 50 agi timba lir.
Alphabet ajanga sen aaba nunga taküm timba lir aser taoba hopta tashi nung sen billion $ 600 junga aazüka lir.