Baahubali 2 agi India Cinema melenshitsütsü:Mahesh Bhatt

Mumbai, April 30 (Agencies) : S.S. Rajamoulis-i direct asüba film “Baahubali: The Conclusion” agi India cinema nem tenüng tasen aser temelenshi tasen bener arutsüogo, ta film yanglur Mahesh Bhatt-i ashi.
Bhatt-i ashiba agi, iba film ajanga India nunger film tem yimya khenyongi melenshitsütsü.
“‘Baahubali…’ ajanga asenoki Hindi film tsütsü meteta aser angateta aliba ajak tasen kümshidaktsür,” ta Bhatt tweet asü.
July 2015 nung sayaba, ‘Baahubali: The Beginning’ film ajanga box office nung sen crore 600 tashi aateta liasü. Iba tesüngmangtsü otsü ajanga film sapurtem süngmangdaktsüba ajanga ano Hokolbarnü India rangben nung nüburtemi “Baahubali 2” Hindi, Tamil, Telugu aser Malayalam oshitem nung screen 6500 nung sayatsü atatepa liasü.
Iba film nung Prabhas, Anushka Shetty, Rana Daggubati aser Tamannaah nungeri tongti shilem agia lir.