GNLA temi lanur ka dak azük, nakmati abenba gari nung akha

Tura, April 30 (Agencies): Mapang tatsüka Meghalaya nung telungpur temi timtem magütsüi aruba sülen April 27 nung Garo National Liberation Army (GNLA) telungpurtemi South Garo Hills nung Siju aser Baghamara tsüngta Dambuk yimtsüng National Highway- 62 nung nakmati abenba garitem dak injang khaloktsü.
April 27 aonung 9:30 ako meta GNLA telungpur südi ta temolung melemtetba nisung 6-7 kati iba tesem nung nakmati abenba gari 4-5 ka dak injang khaloktsü, saka nisung kata makhaset, ta police ajanga ashi.
“Iba osang angashiba sülen police tem-i lendong adalokba tesem aser temeket nung oa mita bushi,” ta SGH Superintendent of Police, Abraham T Sangma-i ashi.
South Garo Hills nung Rongara PS kübok Dambuk Atong yimtsüng nung GNLA telungpur südi ta temolung melemtetba nisung 5-6 kati kaketshir arishi küm 14 tain ka dak April 25 nung azük. Item nisungtemi asüngdangba melangzütetba ajanga tanubusang dak ya azük, ta osang ajanga ashi.