Dorjee Khandu asüba anogo bilemteta amung

Itanagar, April 30 (Agencies): Taoba Arunachal Pradesh Chief Minister, asür Dorjee Khandu sür küm 6 ajungba bilemteta Deobarnü sentong ka ayonga agiogo.
Sentong ya Tawang nung aliba Dorjee Khandu Memorial Museum nung agi aser ‘Learning History Through Museums’ omen nung ajemdaker school outreach programme ka agia liasü.
Iba sentong nung Jang Higher Secondary School, KDS Nursing School, Arunachal Public School, Mount Geshela English School, Tawang NirmanVidyapeeth, Tawang Public School, Manjushree Vidyapeeth, Mon Heritage, Choipeling Public School aser Maha Bodhi School tem nungi kaketshir 320 arua aden.
Sentong nung Tawang nungi All India Radio, Ngawang Chota-i asür Dorjee Khandu indang taküm otsü tatsü agi metetdaktsü aser filmmaker & actor Sangey Tashi-i Khandu indang film tatsü ka yangluba sayu.
Maneni, kaketshirtem dang museum ajanga parnok teyari anguba indang metetdaktsüba sülen parnok museum sema anir senzü. Idangji asür Khandu-i mapa inyaktetbatem indang metetdaktsüba den külemi Dalai Lama tenüng nung yangluba gallery sayu.